Stabsübergabe Gemeindepräsidium

Anlässlich der letzen Sitzung vom Gemeinderat vor den Sommerferien hat Marcel Linder offiziell sein Amt an Etienne Gasche übergeben. Er überreicht ihm den Siegelstempel der Einwohnergemeinde Oekingen als Symbol der Amtsmacht.

Wir danken an dieser Stelle Marcel Linder ganz herzlich für seinen jahrzehntelangen Einsatz zum Wohl der Gemeinde!

 

Amtsuebergabe Li Ga

 

Danke!

Du hesch mou gseit, es würd dir no passe

Wenn me Dankeswort in Prosa würd fasse.

Das hani mir gmerkt und öpe nid vergässe

Do isch är, dä Värs, a dini Adrässe.

 

Liebe Marcel, jetzt isch es so wyt

Vo dire letschte Versammlig blibt nümme vöu Zyt

Du wottsch s Präsidium nümme länger übernäh

Und s Stürrad vo der Gmeind i nöii Händ gäh.

 

Mit Achtig für d Lüt und Know How i der Sach

Hesch du z’Oekinge aues brocht under Dach und Fach

Mit Umsicht und Wiitsicht hesch i dim Amt gwautet

Und dermit i jedere Situation d‘ Übersicht bhautet.

 

13 Johr als Präsidänt – und vorhär als Herr vo der Kasse

Hesch derfür gsorget, dass mir öises Vermöge nid verprasse.

Eis Ziel isch erreicht, mir hei d’Stüre chönne sänke.

Das tuet dir d Bevölkerig ganz sicher nid verdänke.

 

750 Johr Oekinge – wär chönnt das Jubiläum je vergässe

Für di, als Gschichtsfründ, isch es Fäscht i däm Fau agmässe

Und du hesch au gwüsst, dass es sich sicher wird lohne,

wenn mir s’Oekingergedicht fachmännisch lö lo vertone.

 

Es brucht sehr vöu Iisatz und a mängs muess me dänke

Wenn me d’Gschick vo sonere Gmeind tuet länke.

So wie s mir schiint, het aber d’Fröid am Amt überwoge,

süsch wärsch sicher scho früecher Richtig Fürobebänkli zoge.

 

Nimms ab jetzt echli ruehiger und gönn dir meh Zyt

Für Familie, Hobby und was dir süsch no am Härze lyt.

Mir säge hüt Danke und chöi dir verspräche

Bi dim Abschid am Dorfträff darfsch mit öis aune rächne!

 

Priska Gasche
Juni 2018